Rheilffordd Ffestiniog
'Rheilffordd Fach wirioneddol Wych', Ffestiniog yw cwmni rheilffordd annibynnol hynaf y byd.
![](https://www.greatlittletrainsofwales.co.uk/img/uploads/railways/ffestiniog/_featuredImageSmall/cover.jpg)
Rheilffordd Ffestiniog
Fe’i sefydlwyd gan Ddeddf Seneddol ym 1832, ac fe’i hadeiladwyd i wasanaethu diwydiant llechi Blaenau Ffestiniog. Gallwch weld hanes yn cael ei adrodd dros y blynyddoedd.
Ym Mai 2007, roedd Ffestiniog yn falch o ddathlu pen-blwydd sefydlu’r lein 175 o flynyddoedd yn ôl, ac yn 2014, ei phen-blwydd yn 60 oed ers agor cam cyntaf y lein reilffordd a adfywiwyd wedi’r Rhyfel. Gyda’r gwaith ailadeiladu ar Reilffordd Ucheldir Cymru cyn y rhyfel bellach wedi ei gwblhau, a gosod dau blatfform £1.25 miliwn yng Ngorsaf yr Harbwr ym Mhorthmadog (ynghyd ag adeilad signalu semaffor sylweddol), mae bellach yn bosibl cysylltu gyda threnau i Gaernarfon. Cyfle i brofi 40 milltir ddi-dor o stêm lein gul wefreiddiol. Gyda’r lein wedi ei hadeiladu’n wreiddiol i wasanaethu diwydiant llechi Blaenau Ffestiniog, grym disgyrchiant arferai weithredu’r lein. Cadwyd wagenni’n gyforiog o lechi’n drybowndian i lawr ochr y mynydd, dan reolaeth gan ddynion brêc. Roeddent yn neidio o wagen i wagen i dynhau neu lacio’r brêc tra chwythai eu cydweithwyr ar flaen y wagen eu cyrn i rybuddio eraill eu bod yn pasio. Cyflwynwyd locomotifau stêm yn ystod y 1860au a heddiw, mae rhai o’r injanau bychain hynny’n halio cerbydau o ymwelwyr drwy olygfeydd godidog Parc Cenedlaethol Eryri. Mae Blaenau Ffestiniog ar flaen y dyffryn yn parhau i gario creithiau ei orffennol diwydiannol gyda thipiau llechi o gwmpas. Mae un o’r chwareli hyn ar agor i’r cyhoedd ac mae’n ychwanegiad diddorol i’ch diwrnod allan. Mae’r orsaf yng nghanol y dref ar yr A470 ac fe’i rhennir gyda Lein Reilffordd Dyffryn Conwy sy’n arwain o dref wyliau lan y môr Llandudno, gan gysylltu gyda’r brif lein reilffordd yng Nghyffordd Llandudno. Hanner ffordd ar hyd y lein mae Gorsaf Tan y bwlch, a saif oddi ar y prif ddyffryn yng nghoedwigoedd derw Meirionydd. Mae llawer o lwybrau natur yn cychwyn o’r orsaf, lle da i dorri’ch siwrnai ac i archwilio. Mae’r caffi trwyddedig, sydd ar agor o’r Pasg i’r Hydref, yn gweini dewis o fyrbrydau poeth ac oer i dynnu dŵr i’ch dannedd. Mae gan y caffi drwydded i gynnal priodasau ac mae’n lleoliad anarferol ar gyfer eich diwrnod arbennig. Mae’r rhan fwyaf o’r trenau’n cychwyn a gorffen ym mhencadlys y rheilffordd yng ngorsaf Harbwr Porthmadog, ar yr A487 ar ben dwyreiniol y dref. Mae’r brif siop anrhegion yn gwerthu amrywiaeth helaeth o anrhegion a swfenîrs ac mae’n darparu’r siop ar-lein www.festshop.co.uk. Rhaid ymweld â chaffi a bar y Spooner's yn hen sied nwyddau’r stesion, a’i dewis helaeth o fwyd a diodydd. Mae Spooner's yn falch o ennill gwobr CAMRA am ‘Dafarn Leol y Flwyddyn’ dair gwaith yn ystod y pedair blynedd ddiwethaf. Maen nhw’n cynnal digwyddiadau arbennig gydol y flwyddyn a rhaglen 'Gyrrwr Gwadd'. Mae ymweliad â Rheilffordd Ffestiniog yn cyfleu hanes dros y blynyddoedd a llawer mwy hefyd! |
![](https://www.greatlittletrainsofwales.co.uk/img/uploads/railways/ffestiniog/_railwayThumb/143/DSC_3650.jpg)
![](https://www.greatlittletrainsofwales.co.uk/img/uploads/railways/ffestiniog/_railwayThumb/hr_Ffestiniog-Railway-15.jpg)
![](https://www.greatlittletrainsofwales.co.uk/img/uploads/railways/ffestiniog/_railwayThumb/hr_Ffestiniog-Railway-20.jpg)
![](https://www.greatlittletrainsofwales.co.uk/img/uploads/railways/ffestiniog/_railwayThumb/hr_DSC00932.jpg)
Harbour Station
Porthmadog
Gwynedd
LL49 9NF
LL49 9NF
Dod o Hyd i Ni
Ar drên
Porthmadog: Mae Rheilffordd y Cambrian yn mynd o’r Amwythig yn Swydd Amwythig, i Borthmadog.
Blaenau Ffestiniog: Mae Lein Reilffordd Dyffryn Conwy’n mynd o Gyffordd Llandudno i Flaenau Ffestiniog.
Ar fws
Porthmadog: Mae T2 Traws Cymru o Borthmadog yn darparu gwasanaeth uniongyrchol rhwng trefi prifysgol Bangor ac Aberystwyth, saith niwrnod yr wythnos ac yn aros yng Nghaernarfon a Phorthmadog.
Mae bysiau Arriva a Lloyd's Coaches hefyd yn darparu gwasanaeth bws.
Blaenau Ffestiniog: Mae bysiau Arriva, John’s Coaches, Llew Jones Coaches a Lloyd's Coaches hefyd yn darparu gwasanaeth bws.
Mewn Car
Cod post yn defnyddio offer llywio â lloeren - Porthmadog LL49 9NF
Cod post yn defnyddio offer llywio â lloeren Blaenau Ffestiniog LL41 3ES
Parcio
Porthmadog: Mae parcio ar gael yng ngorsaf Harbwr Porthmadog (LL49 9NF) £2.00 maes parcio drwy’r dydd. Os yw’n llawn, cewch eich cyfeirio at y Maes Parcio Gorlif, £2.00 drwy’r dydd.
Blaenau Ffestiniog: Nid oes cyfleusterau pario yn yr orsaf, ond ceir parcio cyhoeddus gerllaw.
Rhagor o drenau bach gwych
Stay
Discounts off stays with our Card
*available at selected accommodation
![Tudor lodge](https://www.greatlittletrainsofwales.co.uk/img/uploads/accommodation/_featuredImageSmall/Tudor-lodge.jpg)
Tudor Lodge
A warm welcome awaits you at the Tudor Lodge, Porthmadog, family-run with cosy and comfortable rooms. Well known for their Scandinavian Style breakfast or a cooked breakfast option.
![Wenallt Guest House](https://www.greatlittletrainsofwales.co.uk/img/uploads/accommodation/_featuredImageSmall/Wenallt-Guest-House.jpg)
Wenallt Guest House
Situated at Penrhyndeudraeth, just a short walk from the Ffestiniog steam railway's Penrhyn Station. Listed as the 'Best B&B' by Steam Railway Magazine.
![Isallt B n B Blaenau](https://www.greatlittletrainsofwales.co.uk/img/uploads/accommodation/_featuredImageSmall/Isallt-B-n-B-Blaenau.jpg)
Isallt Guest House
A large detached Victorian house in the centre of Blaenau Ffestiniog, this three star VisitWales graded bed and breakfast, right next to the Ffestiniog railway.
Nearby
![Borth y gest beach view JQ](https://www.greatlittletrainsofwales.co.uk/img/uploads/attractions/_featuredImageSmall/Borth-y-gest-beach-view-JQ.jpg)
Borth y Gest
The closest beach to Porthmadog is at the sleepy, seaside village of Borth y Gest. A walk round the bay takes you to a clifftop path to small, beautiful sandy coves.
![Portmeirion beach spring IMG 1157](https://www.greatlittletrainsofwales.co.uk/img/uploads/attractions/_featuredImageSmall/Portmeirion-beach-spring-IMG_1157.jpg)
Portmeirion Village
Portmeirion, (reached from Minffordd station) is home to two hotels, a cluster of historic cottages, iconic architecture, restaurants, an Italian ice cream parlour, exotic gardens and sandy beaches.
![Llechwedd caverns](https://www.greatlittletrainsofwales.co.uk/img/uploads/attractions/_featuredImageSmall/llechwedd-caverns.jpg)
Llechwedd Slate Caverns
Situated in Blaenau Ffestiniog, explore the heritage of the Victorian slate mine with a deep mine tour or adventure on slate mountain. Discover the story of a rock revolution.